Lotu gure sokara lagundu

x

AGUR JUAN IGNACIO LORENTERI

AGUR JUAN IGNACIO LORENTERI Argitaratuta: 26-03-2022
AGUR JUAN IGNACIO LORENTERI
Juan Ignacio Lorente, euskal mendizaletasunaren historiako izenik enblematikoenetako bat, martxoaren 20an hil zen, Gasteizen, 82 urte zituela.
Lorente 1939ko abenduaren 10ean jaio zen, Gasteizen, eta bizi osoan izan zuen Arabako hiriburua bizileku. Sendagilea zen ogibidez –ospe handikoa, gainera–, oftalmologian espezialista; hartara, lagun guztien eta mendizale askoren begiak zaindu zituen.
Gaztetandik zaletu zen mendiarekin eta eskiarekin, eta hainbat txapelketetan parte hartu zuen iraupen eskiaren modalitatean. Nolanahi ere, alpinismoa izan bere kirol-ibilbidearen ardatza.
Etxaurin eta Atxarte hasi zen eskalatzen, eta berehala jo zuen Europako mendietara, Pirinioetara eta Alpeetara. Belaunaldi itzel bat osatu zuen beste hainbat gizon-emakumerekin batera, eta 1967an Andeetara egindako lehen euskal espedizioaren buru izan zen. Hiru gailur birjin eskalatu zituzten Peruko Cordillera Blanca mendilerroan.
Esperientzia horrek garai hartan ezin lortuzkoa zirudien helburu bat ezartzera bultzatu zuen taldea: Everestera igotzea. Gorabehera ofizial andana gainditu ostean, 1974an Nepal aldera abiatu zen Tximist espedizio historikoa, Lorente zuela lider eta sendagile, munduko tontorrik garaienera iristeko gogoz.
Ametsa egia bihurtzear zeudenean, tontorretik 400 metro eskasera, beheranzko bidea hartu behar izan zuten, haize bortitz zakarraren eraginez. Nahigabe hori, dena den, pizgarri izango zen, eta 1980an berriro egin zuten ahalegina: orduan ere Juan Ignacio izanik buru, beste espedizio bat kanpatu zen Khumbu glaziarrean. Eta orduan bai, Martin Zabaletaren indar eta kemenari esker, burutu zuten talde osoaren egitasmoa. Maiatzaren 14 ahaztezin hartan, ikurrina munduko punturik gorenean zabalduta, Lorentek eta bere espedizioko kideek biribildu egin zuten beren kirol eta giza ibilbide aparta.
Argazki historiko batean erretratatuta geratu zen ikurrin hori bera, hain zuzen ere, dohaintzan eman zion 2020an Juan Ignaciok EMMOA Fundazioari, baita berak egindako Everesteko maketa zinez eder bat ere, bere bizitzako esperientziarik sakonenen agertoki.


BERRI GEHIAGO

  • ROGE BLASCO, APALTASUNAREN IKUR

    Kazetaritzan berrogei urtetik gora eman ostean, irratigintzan batik bat, Radio Euskadiren uhinetatik agur esatera doa Roge Blasco, bere ibilbide profe ...

  • EMMOA, PERUKO GAILURRETAN

    Pou anaiek, Micher Quito perutarrarekin batera, bide berri bat zabaldu dute Peruko Cordillera Blanca mendikatean; zehazki, 5.450 m dituen Urus Mendeba ...

  • EMMOAK ELGETAREKIN PARTEKATUKO DU BERE LIBURUTEGIA

    EMMOA Fundazioak (Euskal Mendizaletasunaren Museoa) hitzarmen bat sinatu du Elgetako Udalarekin, bertako liburutegian Fundazioaren funtsekin hornituta ...

  • MENDIAN GORA erakusketa, Gorbeiako parketxean

    MENDIAN GORA erakusketa Gorbeiako Parke Naturaleko Interpretazio Zentroan inauguratu berri da. Hori horrela, Euskal mendizaletasunaren une enblematiko ...

  • MENDIAN GORA LEGAZPIN

    EMMOAk sortutako «Mendian Gora» erakusketa Legazpin izan zen, euskal mendizaletasunaren historia laburbiltzen duten hogeita bi panelekin. Burdino ...

  • MENDIAN GORA - Helmuga EITB

    ETB1eko Helmuga saioak 11 minutuko erreportaje bat eskaini dio EMMOA Fundazioak Bilbon proposatu eta antolatutako «Mendian Gora» erakusketari. Berta ...

  • MENDIAN GORA - Bilbon

    MENDIAN GORA ERAKUSKETAREN INAUGURAZIOA BILBOKO ALDE ZAHARREKO 10 ERAKUSLEIHOTAN. MENDIAN GORA erakusketak Euskal Herriko mendizaletasunaren histor ...

  • BIZKAITARRAK GOIKO MUGETAN ERAKUSKETA Bilbon

    Erakusketa honekin batera beste bat ere egingo da, BIZKAITARRAK GOIKO MUGETAN / VIZCAíNOS EN LAS ALTURAS izenekoa, Pangea - The Travel Store, bida ...

  • BELAGUAKO ATERPETXEAREN 50. URTEURRENEKO OMENALDIAK

    Irailaren 12an, igandea, ekitaldi benetan hunkigarria izan zen Belaguako aterpetxe eraberrituan. Nafarroako mendizaletasunaren historiako hainbat gizo ...

  • RODOLFO KIRCH HIL DA

    Irailaren 8an, Rodolfo Kirch Ugarte alpinista donostiar historikoa hil zitzaigun, 81 urte zituela. Euskal mendizaletasuna inguruotako mendi eta hormet ...