MATERIALAREN DOHAINTZA

DOHAINTZAK

EMMOAren orainak eta etorkizunak zentzua izan dezan, ezinbestekoa da proiektuak mendizaleen, kluben eta erakundeen laguntza jasotzea; eta, horretarako, fundazioaren ondarea osatuko duten funtsetara zuzendutako dohaintzak edo lagapenak egin beharko dituzte.

  • LIBURUTEGI ESPEZIALIZATUA

    Edozein mendizaleren etxean dago mendiarekin lotutako literatura gordetzen duen lekutxoren bat. Liburuek balio historiko handiagoa edo txikiagoa izan dezakete, baina liburu bakar batek ere ez luke birziklatzeko edukiontzian bukatu behar. Ekar iezazkiguzu etxetik kendu nahi dituzun mendiei buruzko liburu horiek, eta EMMOA saiatuko da horiei erabilera egokiena ematen, duten interes bibliografikoaren arabera.

  • GOI-MENDIETAKO HEMEROTEKA

    Hainbat hamarkadako mendiko historia islatzen duen hemeroteka zabala du EMMOAk. Hala ere, ziur gaude mendiarekin lotutako hainbat eta hainbat egunkari-orri, aldizkari, kartel, programa, jardueren iragarki eta abar izango direla oraindik artxibo partikularretan, informazio-ondare hori osatzen lagunduko liguketenak, hain zuzen.

  • MATERIAL HISTORIKOA

    Mendiko jardueretarako zenbat tresna garrantzitsu bota ote dira zakarrontzira, zaharkituta gelditu direnean edota jabea hil denean? Horrelaxe galdu da gure mendizaletasunarekin lotutako materialen historiaren zati handi bat. Baina bada oraindik galtzear dagoen beste zati bat, eta, horrexegatik, etorkizunera begira, material hori EMMOAren eskuetan uztera gonbidatzen zaitugu, gorde ahal izateko: duela urte batzuk erabiltzen ziren botak, iltzeak, motxilak, sokak, kantinplorak eta abar, historian esanahi bat izan dutenak, fundazioaren ondare komunaren zati izan daitezke.

  • GOI-MENDIETAKO FOTOTEKA

    Argazkiak, oroitzapenak izateaz gain, historiaren lekuko leialak dira. Garai bateko uneak jasotzen dituzten argazki zaharren albumetan oinarrituta, mendira joateko moduen bilakaera, paisaiaren aldaketak edota gogora ekartzea merezi duen uneak islatzen dituen argazki-funtsa osatzen joan nahi du EMMOAk.

EKARPENA EGIN NAHI DUZU?
NO SOY UN ROBOT
6 + 7 =

Jasotako Dohaintza batzuk

Iparorratzen bilduma
EMMOA Museoari emandako 120 iparorratz historikoen bilduma
Himalaiako liburuak
EMMOA Museoari emandako Himalaiari buruzko liburu bilduma
Mendizaletasuna egunkarietan
EMMOA Museoari emandako Euskal mendizaletasunari buruzko egunkarien bildumak
Argazki historikoen bilduma
EMMOA Museoari emandako argazki historikoen bilduma