Lotu gure sokara lagundu

x

MENDIAN GORA - Bilbon

MENDIAN GORA - Bilbon Argitaratuta: 26-11-2021
MENDIAN GORA - Bilbon
MENDIAN GORA ERAKUSKETAREN INAUGURAZIOA BILBOKO ALDE ZAHARREKO 10 ERAKUSLEIHOTAN.

MENDIAN GORA erakusketak Euskal Herriko mendizaletasunaren historiako giltzarri nagusiak gogorarazi nahi ditu. Berariaz erakusketarako osatu diren 20 azalpen-panelekin batera, balio sinboliko handiko materialak erakutsiko dira, itzal handiko mendizaleek edo horien senitartekoek EMMOA Fundazioari (Euskal Mendizaletasunaren Museoa) emandakoak.

Iraganeko, oraingo edo etorkizuneko mendizaleen jatorrizko materialak erakutsiko dira, originalak. Esate baterako, 1924ko lehen eskalada hartako iltzea ikus dezakegu (Fraile mendikoa), edota Martin Zabaletak 1980an Everest mendiaren gailurrean zabaldu zuen ikurrina, edo gaur egun Pou Anaiek munduan zehar eskalatzen dabiltzanean erabiltzen duten materiala. Mendizaleak garai bakoitzeko arropa jantzita ikusi ahal izango dira.

ANTOLATZAILEA:
EMMOA - Euskal Mendizaletasunaren Museoa Fundazioa

BABESLEA:
Bilbao Ekintza, Juan Celaya Letamendia Fundazioa

LAGUNTZAILEAK:
BBK Mendi Film Bilbao-Bizkaia jaialdia, Fotoprix, Zazpi Kaleetako Merkatarien Elkartea, "Pangea The Travel Store" bidaia agentzia

ERAKUSKETAREN IRAUPENA:
2021eko azaroaren 29tik 2022ko urtarrilaren 16ra.

NON IKUSI AHAL IZANGO DA MENDIAN GORA ERAKUSKETA?
Bilboko Alde Zaharreko 10 erakusleihotan:
01- Somera 17
02- Artecalle 18
03- Belosticalle 6
04- Belosticalle 7
05- Lotería 3
06- Víctor 4
07-08- Cruz 11

ERAKUSKETAREN ZIRKUITUA
Erakusketaren helburua bisitariek zirkuitu osoa zeharkatzea da, gure mendizaletasunaren mugarriak ordena kronologikoan ikusteko aukera izan dezaten (eta, bide batez, Alde Zaharrean ibili daitezen). Horretarako, erakusleiho bakoitzean aurreko erakusleihoaren eta hurrengoaren kokapena adierazten duten geziak jarriko dira. Halaber, QR kodeen bidez erakusgai jarritako objektu bakoitzak atzean dituen istorioetan patxada handiagoz sakondu ahal izango da, eta track bat ere eskainiko da mendizaleek ibilbidearekin goza dezaten.

ERAKUSKETA IBILTARIA
Gasteizen egin den erakusketa honek Euskal Herriko beste herri batzuk bisitatuko ditu, beste bi hiriburuetatik hasita. Horrela, txoko guztietara eraman ahal izango da gure mendizaletasunaren testigantza, gaur egungoak eta hurrengo belaunaldiek bere balioez gozatzeko aukera izan dezaten.

PROTAGONISTEKIN EGINIKO BISITA GIDATUAK
MENDIAN GORA erakusleihoetan dagoen denboran, Covid 19ren pandemiak bilkura jendetsuak egiteko ezartzen dituen mugez jabetuz, talde txikientzako bisita gidatuak antolatzen saiatuko gara, gure alpinismoaren protagonistetako batzuen eskutik edo EMMOA-ko zuzendaritza taldeko kideen eskutik.

ERAKUSKETA HONEN BI GAKO
Hiritarrei zuzendutako jarduera bat da, Alde Zaharreko kaleak eta merkataritza bizi mantentzeko asmoz sortua.

Aire zabaleko eta masifikatu gabeko erakusketa handi bat da, bizi ditugun une latz hauetan behar diren osasun-neurriak soberan betetzen dituena. Bisita eta gozamen ordutegirik zabalenak ahalbidetzen ditu.




ARGAZKI ERLAZIONATUTAK


BERRI GEHIAGO

  • ROGE BLASCO, APALTASUNAREN IKUR

    Kazetaritzan berrogei urtetik gora eman ostean, irratigintzan batik bat, Radio Euskadiren uhinetatik agur esatera doa Roge Blasco, bere ibilbide profe ...

  • EMMOA, PERUKO GAILURRETAN

    Pou anaiek, Micher Quito perutarrarekin batera, bide berri bat zabaldu dute Peruko Cordillera Blanca mendikatean; zehazki, 5.450 m dituen Urus Mendeba ...

  • EMMOAK ELGETAREKIN PARTEKATUKO DU BERE LIBURUTEGIA

    EMMOA Fundazioak (Euskal Mendizaletasunaren Museoa) hitzarmen bat sinatu du Elgetako Udalarekin, bertako liburutegian Fundazioaren funtsekin hornituta ...

  • MENDIAN GORA erakusketa, Gorbeiako parketxean

    MENDIAN GORA erakusketa Gorbeiako Parke Naturaleko Interpretazio Zentroan inauguratu berri da. Hori horrela, Euskal mendizaletasunaren une enblematiko ...

  • MENDIAN GORA LEGAZPIN

    EMMOAk sortutako «Mendian Gora» erakusketa Legazpin izan zen, euskal mendizaletasunaren historia laburbiltzen duten hogeita bi panelekin. Burdino ...

  • AGUR JUAN IGNACIO LORENTERI

    Juan Ignacio Lorente, euskal mendizaletasunaren historiako izenik enblematikoenetako bat, martxoaren 20an hil zen, Gasteizen, 82 urte zituela. Loren ...

  • MENDIAN GORA - Helmuga EITB

    ETB1eko Helmuga saioak 11 minutuko erreportaje bat eskaini dio EMMOA Fundazioak Bilbon proposatu eta antolatutako «Mendian Gora» erakusketari. Berta ...

  • BIZKAITARRAK GOIKO MUGETAN ERAKUSKETA Bilbon

    Erakusketa honekin batera beste bat ere egingo da, BIZKAITARRAK GOIKO MUGETAN / VIZCAíNOS EN LAS ALTURAS izenekoa, Pangea - The Travel Store, bida ...

  • BELAGUAKO ATERPETXEAREN 50. URTEURRENEKO OMENALDIAK

    Irailaren 12an, igandea, ekitaldi benetan hunkigarria izan zen Belaguako aterpetxe eraberrituan. Nafarroako mendizaletasunaren historiako hainbat gizo ...

  • RODOLFO KIRCH HIL DA

    Irailaren 8an, Rodolfo Kirch Ugarte alpinista donostiar historikoa hil zitzaigun, 81 urte zituela. Euskal mendizaletasuna inguruotako mendi eta hormet ...