Ángel Landa Bidarte zendu da
Argitaratuta: 03-06-2020
Ángel Landa Bidarte zendu da
Ángel Landa Bidarte, euskal mendizaletasunaren historiako alpinistarik gailenetako bat, ekainaren 1ean hil zen, 85 urte zituela.Ángel Landa Sestaon jaio zen, 1935ean. Bere kirol-ibilbidea alpinismo klasikoaren ikusmolderik puruenaren isla izan da. Landa berritzailea zen bere helburuak zehaztean. Logikaren eta adorearen erakusle dira han-hemenka zabaldu zituen bide ugariak.
Atxarteko hormetan egin zituen hastapenak, bide klasikoetan barna (Guztiona, Gorria, Labargorriko Tximinia), Pedro Udaondo zuela sokalagun. Europako Mendietan bide klasikoak utzi zizkion historiari legatu gisa; besteak beste, Txori Beltzaren Kanala Peña Santan (1958), edota Naranjorako Régil bidean neguan egindako lehena (1956).
60ko hamarkadan, barra-barra ibili zen Alpeetan. Ondoan berriz ere Udaondo zuela, Bonatti zutarria eskalatu zuen, Druak osatuz (1961). Geroko urteetan, bide ospetsuak egin zituen, hala nola Grand Capucineko ekialdea, La Brenva eta Gervasutti korridorea.
Zuzendari tekniko lanetan aritu zen 1967an Andeetara joandako euskal espedizio historikoan, eta, handik itzulitakoan, hainbat egun espetxean eman behar izan zituen, espedizioan ikurriña zabaltzeak eragindako iskanbilaren ondorioz.
Eginkizun horietan aritu zen, halaber, 1974an Everestera abiatutako Tximist espedizioan, eta tontorretik 300 bat metrora arte bideratu zuen taldea.
Afrikako hainbat mendi ere badira bere ibilbidean, hala nola Kenya mendiko Diamantearen Korridorea. Asko lagundu zuen, bestalde, Naranjo de Bulnesen 1969an eta 1970ean egindako erreskate-lanetan.
Alpinismoaren purutasunaren defendatzaile sutsua zen Landa, Bonattiren filosofiaren jarraitzailea. Gogorki kritikatu zituen etika alpinoari muzin egiten zioten korronteak.
ETB1eko «Itxi liburuak» saioan egin zuen bere azken agerraldi publikoa, martxoan.
BERRI GEHIAGO
-
1974ko TXIMIST ESPEDIZIOA ERAKUSKETA
ERAKUSKETA: 1974ko TXIMIST ESPEDIZIOA, 50 URTE GEROAGO. 1974an euskal talde bat abiatu zen Chomolungma (Everest) mendiko gailurrera iristeko asmoz, T ...
-
Tximist espedizioari aitortza
Everesten lortutako balentriatik 50 urte igaro direnean, Tximist espedizioari aitortza egingo diote Europa Jauregian Hitzordua EMMOA-Euskal Mendiza ...
-
ANGEL ROSEN: HISTORIA-ZATI BAT JOAN ZAIGU
Angel Rosen hil da, euskal mendizaletasunaren ikurra. Hiru hamarkada baino gehiagotan, gure historiaren une garrantzitsuen lekuko eta protagonista iza ...
-
UNIBERTSITATEA MENDIAN GORA
UPV/EHU, Arabako Campuseko Hezkuntza eta Kirol Fakultateak bultzatua, EMMOArekin (Euskal Mendizaletasunaren Museoa) eta EMFrekin (Euskal Mendizale Fed ...
-
Pablo Olmosen pioleta - BOST OIHU ELA-REN AURKA
Dar Dar elkarteak dohaintza egin eta EMMOAri eman dio Bost Oihuen proiektuan lagundu dien pioleta, EMMOAk gorde eta bere ezagutza zabal dezan. Sari ...
-
ERROMAN IZAN DA EMMOA, MENDI-MUSEOEN NAZIOARTEKO BILERAN
EMMOA Fundazioaren hainbat ordezkari Erroman izan dira egunotan, International Mountain Museums Alliance (IMMA) erakundeak maiatzaren 25ean eta 26an e ...
-
EMMOA ELGETAN IZAN DA 99. URTEURRENEAN, LIBURUAK EMANEZ
Maiatzaren 18an, Euskal Herriko Alpinismo Federazioa sortu zela 99 urte bete diren egun berean, Elgetako plazan izan da EMMOA, une historiko haren sor ...
-
EMMOA, UPV/EHU-REN MENDIAN GORA BIGARREN JARDUNALDIETAN, GASTEIZEN
EMMOA Fundazioak maiatzaren 9an, 10ean eta 11n Gasteizko campusean izandako «Unibertsitatea MENDIAN GORA» jardunaldiak antolatzen parte hartu du big ...
-
UNIBERTSITATEA MENDIAN GORA
2023ko MAIATZAREN 9,10,11n Lekua: Micaela Portilla Ikergunea - Gasteiz AUTOBABESA ETA SEGURTASUNA MENDIAN IKASTAROA 2023ko MAIATZAREN 9,10 - 18: ...
-
FRANTZISKO XABIERKOAEN BURUAREN BERRAGERPEN BITXIA
Frantzisko Xabierkoaren brontzezko estatuaren burua, 1985az geroztik galduta zegoena ankerren batek Hiru Erregeen Mahaiko gailurretik kolpeka bota zue ...