Lotu gure sokara lagundu

x
LAGUNDU

ATE IREKIEN JARDUNALDIA

ATE IREKIEN JARDUNALDIA Argitaratuta: 11-02-2020
ATE IREKIEN JARDUNALDIA
Otsailaren 6an, EMMOA Fundazioak ate irekien jardunaldia egin zuen Donostiako Zuhaizti kiroldegian duen egoitzan, bere instalazioa, edukia eta proiektuak ezagutzeko gogoz ziren zaletuei bere Kanpamendu Nagusia erakusteko.

Bisitaldi gidatuak egin ostean, 19:00etan eman zitzaion hasiera ekitaldi programatuari. Bertan, informazio xehea eskaini zitzaien bertaratutakoei, bai EMMOAk egin berri dituen jarduerei buruz, bai epe laburrean abian jarri nahi dituenen inguruan. Atal bakoitzaren arduradunak beren lan-egitasmoen berri ematen joan ziren, sailez sail: Liburutegia, Hemeroteka, Filmografia, Ondare material eta immateriala, eta Argazkia.

Ondoren, EMMOAk argazki erronkaren sariak eman zitzaizkien irabazleei.

Bertaratuen artean, EMMOA Fundazioaren lagunak eta kolaboratzaile berriak izan ziren, hala nola egitasmoaren babesle den Orona Fundazioaren zuzendaria, Iñigo Marquet, Fundazioaren kolaboratzailea den Sua argitaletxearen izenean Txusma Perez Azazeta, Club Vasco de Camping Elkartearen, Antiguako Mendizale Elkartearen eta Fortuna Elkartearen ordezkariak, baita Agustín Pontesta margolaria ere, zeinak margolan handi eta eder baten dohaintza ofiziala egin zuen, mendi-paisaia batean oinarrituriko Ilargi-argia izeneko obrarena.

Ekitaldiari amaiera emateko, 1970ean Ángel Lerma zinemagileak egindako Gailurrak filmazio historikoa proiektatu zuten. Ekitaldian izan zen Lerma bera ere.
ARGAZKI ERLAZIONATUTAK


BERRI GEHIAGO