Dar Dar elkarteak bost oihuen proiektuan bidelagun izan duten pioleta eman eta dohaintzan utzi dio EMMOAri, honek kontserba dezan eta haren berri eman dezan.
Pioleta emateko ekitaldia azaroaren 17an Zallan Pablo Olmosi, udan hil den Dar Dar-en sortzaileari, egingo zaion omenaldian izango da.
Proiektu hau ELAren (Alboko Esklerosi Amiotrofikoa) aurkako borrokarekin lotutako hiru elkartek burutzen dute. Elkarteak hauek dira: Dar Dar, DalecandELA eta Saca La Lengua a la ELA.
Gaixotasun hau ikusaraztea eta ikerketarako funtsak biltzea dute helburu.
“Bost oihuak” proiektuaren bidez, IKERKETARAKO funtsak lortzeko ardura duten erakundeengana iritsi nahi dute. Proiektua gizartearentzat ikusgarria izatea administrazioaren aldetik gizarte-ekintza egongo den bermea da. ELA duten gaixoek burututako gainditze-erronkak izatea da proiektuaren ezaugarri nagusia.
Bost Oihuek ELA gaixotasunari modu integralean aurre egitea sinbolizatzen dute, lehen sintomak agertzen direnetik sendatu arte. Gailurrik altuenetik oihu egitea esan nahi du, hobeto entzun diezaieten:
1. oihua: Hotzaren aurkako borroka sinbolizatzen du. Vinson mendira igoera 2018an. Dar Dar ELAntartida dokumentala
2. oihua: Haserrea, amorrua, sua sinbolizatzen ditu. Teide sumendira igoera (3.810 m) itsas mailatik. Dokumentala: Grita Echeyde
3. oihua: Ahaztearen aurkako borroka eta mugikortasun-galera sinbolizatzen ditu. Urriello tontorrera eskalada 2021eko maiatzaren 31n, mundu osoan zuzenean emana.
4. oihua: Lagunen babesa eta bizitzaren aldeko borroka sinbolizatzen ditu. BrusELAs erronka. Belontziz eta bizikletaz. Ekainaren 11tik 21era, ELAren Munduko Eguna. Dokumentala: TANDEM
5. oihua: Konponbidea, konkista handia sinbolizatzen du. 2022ko urrian, ELA duen pertsona bat inoiz lortutako altuerarik handienera iristea lortu zen: Everesteko oinarrizko kanpalekura, 5.364 metrora. Han zegoela, bizitzeko eskubidea aldarrikatu zuen. Ondoren, Ama Dablam mendira igo ziren.
Mila esker!
