EMMOA Fundazioko ordezkaritza bat IMMAren (International Mountain Museums Alliance) urteko bilerako saioetan izan da, maiatzaren 25ean eta 26an Erroman egin dena.

Euskal ordezkaritzarekin batera, FAOren (Elikadura eta Nekazaritzarako Nazio Batuen Erakundea) egoitza ofizialean egindako bileretan parte hartu dute Sabadell (Katalunia) —bilerako buru izan dena—, Turin eta Trento (Italia), Chamonix eta Chambery (Frantzia), Pokara (Nepal), Berna (Suitza), Brasov (Errumania) eta Zakopane (Polonia) herrietako mendiko museoetako ordezkariek.

EMMOAk urteak daramatza nazioarteko hitzordu hauetan gonbidatu berezi gisa parte hartzen, eta bere proiektuaren hasiera eta bilakaera aurkeztu zituen irudien bidez, baita 2024rako Tolosan benetako museo bat izateko aurreikuspen positiboak ere.

IMMAren hurrengo hitzordua Turinen izango da urtebete barru eta, aurreikuspenak betetzen badira, EMMOAk nazioarteko erakunde honetako eskubide osoko kide gisa integratzeko hautagaitza aurkeztuko du bertan.