Maiatzaren 18an, Euskal Mendizale Federazioaren sorreraren 99. urteurrenarekin batera, EMMOA Elgetako plazan izan da, une historiko haren agertokian.
Data esanguratsu horretan EMMOAk herri fundatzailera egindako bisitaren helburua Fundazioak Elgetako Udalarekin sinatutako akordioa betetzea zen: bere funtsetako mendiko liburuak herriko liburutegiari dohaintzan ematea.
Etorkizunean jarraipena izango duen lehen entrega-ekitaldi honen buru Iraitz Lazkano alkatea eta Juan Mari Ansa, EMMOAko atal honetako arduraduna, izan dira.
