Joan den martxoaren 11n, Gasteizko mendizale taldeak erakusketa bat inauguratu zuen Vital fundazioaren erakusketa-aretoan, bere berrogeita hamargarren urteurrena ospatzeko. Bertan, klubaren historia islatzen da, Arabako mendizaletasunaren historiari eta, jakina, euskal mendizaletasunaren memoriari lotua. EMMOAk erakusketaren antolakuntzan lagundu du, hainbat garaitako jantziekin jantzitako manikiak eta erakusketa aberasten duten objektu sinbolikoak emanez; adibidez, Everesteko maketa eta hainbat argazki-panel.
