EMMOA Fundazioak dagoeneko badu bere funtsak erregistratzeko eta katalogatzeko lan-taldeak kokatuko dituen espazio bat. 130 m2-ko lokala Donostiako Udalak utzi du, eta Groseko auzoko Zuhaizti Kiroldegian dago kokatuta.
Instalazio hauek Fundazioaren aldi baterako egoitza izango dira, Anoetako estadioan aurreikusitako Euskal Mendizaletasunaren Museo eta Dokumentazio Zentrorako espazioaren egokitzapen-lanak amaitu arte.
