Pou anaiek, Micher Quito perutarrarekin batera, bide berri bat ireki dute 5450 m-ko Urus Oeste III mendiaren gailurrera, Peruko Kordilera Zurian kokatua, Ishinca eta Uruscocha arroilen artean. Zazpi orduko eskalada egin ostean, ibilbide bat (M.6/75º/640 m) osatu zuten, EMMOA izena jarri diotena, Euskal Mendiko Museoaren omenez.
Aurreko egunean, protagonista berberak beste ibilbide berri bat (90º/425 m) ireki zuten mendi honetako beste gune batean, «Hanan Pacha» izenarekin eskaini zutena, Andeetako jainko zaharrak gogora ekarriz.
