Urtarrilaren 20tik, Igorreko Kultur Etxean irekita dago «Bilete mendiak» erakusketa, Lemoako Ganzabal klubaren antolakuntzarekin.
«Bilete mendiak» erakusketa EMMOA-k ekoitzi du, Sabadelleko Servei General d’Informació de Muntanya-rekin elkarlanean, eta hamabi koadroz osatuta dago. Horietan, mendiarekin lotutako motiboak dituzten hirurogeita sei billete erakusten dira, beste hainbeste herrialdetakoak. Erakusketa publikoarentzat irekita egongo da 10:00etatik 20:45era, asteburuetan izan ezik, otsailaren 20ra arte.
Datozen hilabeteetan, erakusketa Euskal Herriko hiriburu eta herrietan erakutsiko da, kluben eta kultur etxeen eskariz.
