Maiatzaren 18an Bergarako Rekalde jauregian inauguratu zen Laboratorium Museoak eta herriko udalak antolatutako “Mendizaletasuna eta Gizartea” erakusketa, Pol Pol klubaren sorreraren 75. urteurrenarekin bat eginez.
Aipatutako erakusketan EMMOAk parte hartu du bere ondareko 23 pieza ekarriz.
Inaugurazio-ekitaldian, Bergarako alkate Elena Letek presidituta, erakusketaren komisario Xabier Aranburuk EMMOA Fundazioak erakusketa hau muntatzeko emandako lankidetza garrantzitsua eskertu zuen; erakusketa abuztuaren 27ra arte egongo da zabalik.
