Lotu gure sokara lagundu

x
LAGUNDU

BELAGUAKO ATERPETXEAREN 50. URTEURRENEKO OMENALDIAK

BELAGUAKO ATERPETXEAREN 50. URTEURRENEKO OMENALDIAK Argitaratuta: 01-10-2021
BELAGUAKO ATERPETXEAREN 50. URTEURRENEKO OMENALDIAK
Irailaren 12an, igandea, ekitaldi benetan hunkigarria izan zen Belaguako aterpetxe eraberrituan. Nafarroako mendizaletasunaren historiako hainbat gizon-emakume bikain izan ziren bertan protagonista.

Aterpetxea eraiki zuteneko 50. urteurrena ospatzeko, hainbat jarduera antolatu ditu Mendi eta Eskalada Kirolen Nafarroako Federazioak, eta hortxe kokatzen da ekitaldia. Hain zuzen ere, aterpetxea eraikitzearen bultzatzaile nagusia izandakoaren izena darama oraindik ere eraikinak: Ángel Olorón.

Omenaldia jaso zutenen artean, Ángel zenaren alarguntsa zegoen, Paqui Bretos, bizitza osoa haren ondoan emanikoa. 94 urte beteak dituen alpinista aitzindariak Nafarroako iragan mendeko gizartearen eta mendizaletasunaren historiaren hein eder bat du gogoan. Protagonismo berezia izan zuen Pili Ganuzak ere, zortzimilako bat igo zuen lehen emakume nafarrak. Gailur asko eta askotara igoa da bera. Haietako asko, Gregorio Ariz senarrarekin; Euskal Herriko mendizaletasunaren historiari begirada bat botatzean ezinbesteko erreferentzia, hura ere. Egin zitzaion aipamenik jardunaldian, Nafarroatik Himalaiara abiatutako lehenengo espedizioetan izan zuen lidergo erabakigarria oroituz. Eta norbaitek egin badio ekarpenik mendizaletasunaren zabalkundeari, mendizale eta idazle gisa, Juan Mari Feliú dugu hori. Eskalatzaile prestuen dinastia bateko kide honek milaka artikulu idatzi ditu, eta berrogei liburu baino gehiago argitaratu, guztiak ere mendiaren inguruan ardaztuta. Omenduen zerrendan zeuden halaber Carlos Klett, aurki zendua, aterpetxearen barruan ikusgai dagoen erakusketaren egilea, eta Mikel Iraizoz, Nafarroako Kirol Elkarteko presidentea. Azken horrek sari bat jaso zuen ordezkatzen duen elkartearen izenean, duela mende erdi baino gehiago aterpetxearen sustatzailea izan baitzen.

Martín Montañés-ek zuzendu zuen ekitaldia, Nafarroako mendizaletasunaren presidenteak, eta Abodi eta Belagua arteko bidea egin zuten ehun mendizale baino gehiago izan ziren bertan.
ARGAZKI ERLAZIONATUTAK


BERRI GEHIAGO